नातं मनाचं मनाशी, असंच फुलवायचं ||

एकमेकांच्या नजरेत,
एकमेकांना शोधायचं ;
भेटल्यावर पुन्हा,
एकमेकांत हरवुन जायचं ;
नातं मनाचं मनाशी, असंच फुलवायचं १

एकमेकांना भेटण्यासाठी,
आतुर असायचं ;
स्वप्नातही एकमेकांच्या
सोबत रहायचं ;
नातं मनाचं मनाशी, असंच फुलवायचं २

कधी कधी असंच,
लटकं लटकं रागवायचं ;
कधी कधी असंच,
खोटं खोटं भांडायचं ;
नातं मनाचं मनाशी, असंच फुलवायचं ३

स्वत:साठी जगणं,
विसरुन जायचं ;
एकमेकांनी एकमेकांशी,
एकरुप होवुन जायचं ;
नातं मनाचं मनाशी, असंच फुलवायचं ४
मनाच्या खोल गाभार्‍यात, हळुवार जपायचं

मृगजळ

२२-२-२००८