कोणीतरी हवंय…..

कोणीतरी हवंय,
माझ्या अबोल्याला समजुन घेणारं
डोळ्यातले भाव अलगद टिपणारं १

कोणीतरी हवंय,
मला सावरणारं
ठेचाळलोच जर कधी, तर आधार देणारं २

कोणीतरी हवंय,
मायेनं जवळ करणारं,
रक्ताळलेल्या मनावर मायेची फुंकर घालणारं ३

कोणीतरी हवंय,
माझी आठवण काढणारं,
मला फक्त पहाण्यासाठी धडपडणारं ४

कोणीतरी हवंय,
क्षणभर माझ्यासाठी रेंगाळणारं,
माझ्या वाटेकडे डोळे लावुन बसणारं ५

कोणीतरी हवंय,
मला साथ देणारं,
मनातल्या खोल कप्प्यात मला जपुन ठेवणारं ६
कोणीतरी हवंय.........

मृगजळ

(१०-१२-२००७)